Gajamukhane Ganapatiye Song Lyrics In Kannada ಗಜಮುಖನೆ ಗಣಪತಿಯೇ ನಿನಗೆ ವಂದನೆ

ಗಜಮುಖನೆ ಗಣಪತಿಯೇ ನಿನಗೆ ವಂದನೆ ಲಿರಿಕ್ಸ್

ಗಜಮುಖನೆ ಗಣಪತಿಯೇ ನಿನಗೆ ವಂದನೆ ನಂಬಿದವರ ಪಾಲಿನ ಕಲ್ಪತರು ನೀನೆ ||2||

ಭಾದ್ರಪದ ಶುಕ್ಲದ ಚೌತಿಯಂದು ನೀ ಮನೆಮನೆಗೂ ದಯಮಾಡಿ ಹರಸು ಎಂದು 

ನಿನ್ನ ಸನ್ನಿಧಾನಕ್ಕೆ ತಲೆಬಾಗಿ ಕೈಯ್ಯಮುಗಿದು ಬೇಡುವಾ ಭಕ್ತರಿಗೆ ನೀ ದಯಾಸಿಂಧು

ಗಜಮುಖನೆ ಗಣಪತಿಯೇ ನಿನಗೆ ವಂದನೆ ನಂಬಿದವರ ಪಾಲಿನ ಕಲ್ಪತರು ನೀನೆ....

ಪಾರ್ವತಿ ಪರಶಿವನ ಪ್ರೇಮ ಪುತ್ರನೆ ಪಾಲಿಸುವ ಪರದೈವ ಬೇರೆ ಕಾಣೆ

ಪಾಪದ ಪಂಕದಲಿ ಪದುಮ ಎನಿಸು ಎನ್ನ ಪಾದ ಸೇವೆಯೊಂದೇ ಜನ್ಮ ಸಾಧನ

ಗಜಮುಖನೆ ಗಣಪತಿಯೇ ನಿನಗೆ ವಂದನೆ ನಂಬಿದವರ ಪಾಲಿನ ಕಲ್ಪತರು ನೀನೆ....

ಈರೇಳು ಲೋಕದ ಅನು ಅನುವಿನ ಇಹಪರದ ಸಾಧನೆಗೆ ಕಾರಣ

ನಿನ್ನೊಲುಮೆ ನೋಟದ ಒಂದು ಹೊನ್ನ ಕಿರಣ ನೀಡಿದರೆ ಸಾಕಯ್ಯ ಜನ್ಮ ಪಾವನ

ಗಜಮುಖನೆ ಗಣಪತಿಯೇ ನಿನಗೆ ವಂದನೆ ನಂಬಿದವರ ಪಾಲಿನ ಕಲ್ಪತರು ನೀನೆ ||2||

Nine Aanadi Nanenu Bedali Shambhulinga Song Lyrics in Kannada | ನೀನೆ ಅನಾದಿ ನಾನೇನು ಬೇಡಲಿ ಶಂಭುಲಿಂಗ

ನೀನೆ ಅನಾದಿ ನಾನೇನು ಬೇಡಲಿ ಶಂಭುಲಿಂಗ Lyrics in kannada.

ನೀನೆ ಅನಾದಿ ನಾನೇನು ಬೇಡಲಿ ಶಂಭುಲಿಂಗ ಮಾನವ ಜನ್ಮಕ್ಕೆ ಬಂದು ಏನೇನು ತಿಳಿಯಲಿಲ್ಲ ಶಂಭುಲಿಂಗ ||2||

ಹಾವು ಹರಿದಾಡಿತ್ತು ಚೇಳು ಕುಣಿದಾಡಿತು ಶಂಭುಲಿಂಗ 

ಹಾವು ಚೇಳನ್ನು ನುಂಗಿ ಕೋಳಿಯು ಕೂಗುವುದು ಶಂಭುಲಿಂಗ

ಮಾಯೆ ಎಂಬುದು ಮನೆ ಮಾಡಿತು ದೇಹದೊಳು ಶಂಭುಲಿಂಗ 

ಮಾಯಾ ಇನ್ನಾವ ಕಾಲಕ್ಕೆ ಪರಿಹಾರವಾಗುವುದು ಶಂಭುಲಿಂಗ

ರೆಕ್ಕೆ ಇಲ್ಲದ ಪಕ್ಷಿ ಗಗನದೊಳು ಹಾರಿತು ಶಂಭುಲಿಂಗ

ಅಕ್ಕರದಲ್ಲಿ ಶಿವ ನೋಡಿ ತಾ ನಗುತಿಹನು ಶಂಭುಲಿಂಗ

ಕಲ್ಲು ದೇವರು ಕಣ್ಣು-ಮುಚ್ಚಿ ಕಾಪಾಡಿದರು ಶಂಭುಲಿಂಗ

ಬಲ್ಲಿದ ಶಿಶುನಾಳಧೀಶನ ದಯದಿಂದ ಶಂಭುಲಿಂಗ